Святой апостол Тимофей Преподобномученик Анастасий Персянин Преподобный Макарий Жабынский, Белевский...

Святая блаженная Ксения Петербургская
Преподобная Ксения Миласская
Святой мученик Иоанн Казанский
.
Тропарь блаженной Ксении Петербургской
глас 7
Нищету Христову возлюбивши,/ безсмертныя трапезы ныне наслаждаешися,/ безумием мнимым безумие мира обличивши,/ смирением крестным силу Божию восприяла еси,/ сего ради дар чудодейственныя помощи стяжавшая,/ Ксение блаженная, моли Христа Бога// избавитися нам от всякаго зла покаянием.
Ин тропарь блаж. Ксении Петербургской

Кондак блаж. Ксении Петербургской
глас 3
Днесь светло ликует град святаго Петра,/ яко множество скорбящих обретают утешение,/ на твоя молитвы надеющеся,/ Ксение всеблаженная,// ты бо еси граду сему похвала и утверждение.
Молитва блаж. Ксении Петербургской
О святая всеблаженная мати Ксение! Под кровом Всевышнего жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сенью Всемогущаго покоишися. Ныне Святая Церковь, яко благоуханный цвет, прославляет тя. Предстояще на месте твоего погребения, пред образом твоим святым, яко живей ти, сущей с нами, молимся ти: приими прошения наша и принеси их ко Престолу Милосерднаго Отца Небеснаго, яко дерзновение к Нему имущая. Испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом святаго крещения озарити и печатью дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие ниспосли; монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения Святых Христовых Таин умоли. Ты наша надежда и упование, скорое услышание и избавление, тебе благодарение воссылаем и с тобою славим Отца, и Сына, и Святаго Духа ныне и присно и во веки веков. Аминь.
Тропарь преподобной Ксении Миласской
глас 8
В тебе, мати, известно спасеся, еже по образу:/ приимши бо крест, последовала еси Христу/ и, деющи, учила еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобная Ксение, дух твой.
Ин кондак преподобной Ксении Миласской
глас 4
Иже во святых святая/ Христа Преблагаго всем сердцем возлюбила еси, Богомудрая Ксение славная,/ того ради омерзила еси мирскую сладость./ Крест же Его вземши честный,/ возлюби пети присно: аллилуйя.

Преподобный Ксенофонт, супруга его Мария и сыновья их Аркадий и Иоанн
Мученики Ананий пресвитер, Петр, темничный страж, и с ними 7 воинов
Преподобный Симеон Ветхий

Тропарь преподобных
глас 4
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.
Ин кондак преподобных Ксенофонта, Марии и чад их
глас 4. Подобен: Явился еси:
В заповедех бодрствовал еси Владычних,/ нищим расточйвый твое богатство, блаженне,/ тихо с сопружницею и чады твоими,/ темже наследуете/ Божественное наслаждение.

Кондак преподобных
глас 4
Житейскаго моря избегше,/ Ксенофонт праведный/ с сопружницею честною/ на Небесех свеселятся с чады,// Христа величающе.
Тропарь преподобных
глас 4
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.
Кондак преподобных
глас 4
Житейскаго моря избегше,/ Ксенофонт праведный/ с сопружницею честною/ на Небесех свеселятся с чады,// Христа величающе.

Святой Игнатий Богоносец
Святитель Лаврентий, затворник Печерский, епископ Туровский
Святители Герасим, Питирим и Иона, епископы Великопермские и Усть-вымские
.
Тропарь священномученика Игнатия Богоносца

глас 4

И нравом причастник,/ и престолом наместник апостолом быв,/ деяние обрел еси, Богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Игнатие./ Моли Христа Бога/ спастися душам нашим.
Тропарь священномученика Игнатия Богоносца

глас 4

Апостольских нравов подражателю/ и престола их снаследниче,/ архиереев удобрение/ и мучеников славо, богодухновенне,/ на огнь, и меч, и звери дерзнул еси веры ради/ и, слово истины исправляя, до крове пострадал еси,/ священномучениче Игнатие,/ моли Христа Бога// спастися душам нашим.
Кондак священномученика Игнатия Богоносца

глас 3

Светлых подвиг твоих светоносный день/ предпроповедует всем в вертепе Рожденнаго:/ Сего бо жаждая от любве насладитися,/ потщался еси от зверей снеден быти,/ сего ради и Богоносец нареклся еси,// Игнатие всемудре.
Тропарь святителя Лаврентия, затворника Печерского, еп. Туровского, в Ближних пещерах
глас 8

Всеблаженне Лаврентие, / затворивый себе Господа ради в месте тесне / и в нем многа лета трудолюбне поживый, / молися о нас ко Господу, / яко да и мы от всякаго греха чувства затворше, / получим отверзение дверей милости Господни в День судный.
Кондак святителя Лаврентия, затворника Печерского, еп. Туровского, в Ближних пещерах
глас 6
Усердие Лавре Печерстей желая от чудес прославления,/ себе же самаго смиряя,/ отреклся еси онаго,/ бедне диаволом мучима, исцелити,/ отслав его ко пещере,/ идеже он исцелившися,/ блаженне Лаврентие,/ прослави с тобою Господа,/ прославляющаго святых Своих.

Тропарь святителей Герасима, Питирима и Ионы
глас 8
Равноапостольному святителю Стефану наследовавшии/ и Православия светом страну Зырянскую озарившии,/ святителие Христовы Герасиме, Питириме и Ионо,/ Престолу Пресвятыя Троицы ныне предстояще,/ молитеся пастве вашей от врагов ненаветованней быти/ и всем православным людем в мире спастися.
Кондак святителей Герасима, Питирима и Ионы
глас 4
Во святителех благочестно поживше/ и Пермския люди к Богоразумию наставивше,/ добре Богу угодисте./ Сего ради Устьвымь и земля Зырянская хвалятся,/ имеюще мощи ваша/ яко источник исцелений/ всем, с верою притекающим к вам,/ вы бо чудесы прославистеся,/ яко ученицы Божия благодати.

Святой равноапостольный Николай, архиепископ Японский
Симеон Богоприимец и Анна пророчица
Святитель Симеон, епископ Полоцкий
.
Тропарь равноапостольного Николая, архиепископа Японского
глас 4
Апостолов единонравне и сопрестольне,/ служителю Христов верный и Богомудрый,/ цевнице избранная Божественнаго Духа,/ сосуде преизливающийся любве Христовы,/ Японския земли просветителю,/ святый Николае, иерарше равноапостольне,/ молися Живоначальней Троице/ о всем твоем стаде/ и о всем мире.
Кондак равноапостольного Николая, архиепископа Японского
глас 4
Странника и пришельца прият тя страна Японская,/ равноапостолъне святителю Николае,/ в ней же исперва познал еси себе яко чуждаго,/ обаче теплоту и свет Христов источая,/ прелагал еси враги твоя в сыны духовныя,/ имже раздай благодать Божию, созидал еси Церковь Христову,/ о ней же ныне молися,/ и тебе бо сынове ея и дщери взывают:/ радуйся, пастырю добрый наш.
Тропарь праведного Симеона Богоприимца
глас 4
Симеон старец днесь веселится,/ восприят на руку свою Младенца Превечнаго Бога,/ от уз плоти разрешитися прося/ и вопия: видеста очи мои// спасение Твое мирови.
Кондак праведного Симеона Богоприимца

глас 4

Старец днесь отрешитися/ от юз моляшеся/ сего жития тленнаго,/ Христа восприят на руки,// Зиждителя и Господа.

Тропарь благоверного князя Романа Угличского
глас 4
От младенства явился еси,/ правоверный княже Романе,/ избран от Бога/ благочестия столп необорим,/ веру непорочну соблюл еси,/ молитвами и милостынею и постом Богу угодил еси;/ темже и по смерти явися светлость жития твоего,/ исцелявши бо недуги немощствующих,/ верою притекающих ко святому твоему гробу./ Сего ради вопием ти:/ радуйся, угодниче Божий Романе,/ града Углеча похвало и утверждение.
ондак благоверного князя Романа Угличского
глас 8
Яко многосветлая звезда,/ всепразднственная память твоя возсия днесь, благоверный княже Романе,/ созывающи к похвалению люди твоя,/ песньми славословити честное житие твое/ и верно торжествовати святое твое успение,/ в немже молися, святе, ко Христу Богу нашему,/ еже избавитися нам от всех наветов вражиих,/ да вси зовем ти:/ радуйся, Романе пребогате, новый Российский чудотворче.

Преподобный Вукол, епископ Смирнский
Преподобные Варсонофий Великий и Иоанн Пророк
Святитель Фотий, Патриарх Константинопольский
Тропарь преподобному Вуколу, епископу Смирнскому

глас 4

Правило веры и образ кротости,/ воздержания учителя/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая./ Отче Вуколе,/ моли Христа Бога,/ спастися душам нашим.

Тропарь преподобным Варсонофию Великому и Иоанну Пророку

глас 4

Боже отец наших, / творяй присно с нами по Твоей кротости, / не остави милость Твою от нас, / но молитвами их // в мире управи живот наш.